விடுதலை 2 ட்ரெய்லர்.. விஜய்க்கு எதிராக வசனமா..? கொந்தளிக்கும் ரசிகர்கள்..!
இயக்குனர் வெற்றிமாறன் இயக்கத்தில் விஜய் சேதுபதி, சூரி, மஞ்சு வாரியார், இளவரசு, கௌதம் கார்த்திக் உள்ளிட்ட பிரபலங்கள் நடித்துள்ள படம் தான் விடுதலை 2. இந்த படத்தின் முதல் பாகம் கடந்த ஆண்டு வெளிவந்து மக்கள் மத்தியில் நல்ல வரவேற்பை பெற்றநிலையில் தற்போது பாகம் 2 உருவாகி உள்ளது. இதனுடைய ட்ரைலர் நேற்று சென்னையில் வெளியிடப்பட்டது.
தமிழ் சினிமாவில் முன்னணி இயக்குனரில் ஒருவர் தான் வெற்றி மாறன். அவருடைய படம் என்றாலே அதில் வாக்குவாதத்திற்க்கு பஞ்சமே இருக்காது. அந்த வகையில் தற்போது விடுதலை 2 படத்தில் உள்ள ஒரு வசனத்தை வைத்து பஞ்சாயத்து நடந்து வருகிறது. படத்தில் ஒரு வசனத்தில் தத்துவம் இல்லாததலைவர்கள் ரசிகர்களை மட்டும்தான் உருவாக்குவாங்க.. அது முன்னேற்றத்திற்கு வழிவகுக்காது. என்று கூறப்பட்டுள்ளது.
இதனை பார்த்த விஜய் ரசிகர்கள் சமீபத்தில் அரசியலுக்கு வந்தது விஜய் தான் அவரை குறித்து தான் இந்த வசனம் வந்துள்ளது எனவும் விஜய் ரசிகர்கள் வாக்குவாதத்தில் ஈடுபட்டு வருகிறார்கள். மேலும் விஜய் தான் மாநாட்டில் கடவுள் கொள்கைக்கு மறுப்பு தெரிவிக்க மாட்டேன் எனவும் மேலும் பெரியார் வழி நடப்பதாகவும் கூறியிருந்தார் என்பதும் குறிப்பிடத்தக்கது. மேலும் இந்த படத்தினை ரசிகர்கள் எதிர்பார்த்து உள்ளனர். இந்த படம் அடுத்த மாதம் 20 ம் தேதி வெளிவரும் என எதிர்பார்க்கப்படுகிறது.
