நடிகர் சமுத்திரக்கனியின் திரு.மாணிக்கம் படத்தின் ரிலீஸ் தேதி அறிவித்தது படக்குழு..!
நடிகர் சமுத்திரக்கனி நடிப்பில் இயக்குனர் நந்தா பெரியசாமி இயக்கத்தில் உருவாகி இருக்க கூடிய படம் தான் திரு.மாணிக்கம். இந்த படத்தில் அனன்யா, சமுத்திரக்கனி, பாரதிராஜா, நாசர், தம்பிராமையா, ஸ்ரீமன், வடிவுக்கரசி, கருணாகரன், இளவரசு என பல பிரபலங்கள் முக்கிய கதாபாத்திரத்தில் நடித்துள்ளனர். ஜிபி ரவிக்குமார், சிந்தா கோபாலகிருஷ்ண ரெட்டி ராஜா சேர்ந்து தயாரித்து உள்ள இந்த படத்தில் சீதா ராமன் படத்தின் இசையமைப்பாளர் விஷால் இசையமைத்துள்ளார்.
மேலும் பாடலாசிரியர் சினேகன் பாடல்களை எழுதி உள்ளார். இந்த படத்தின் டீஸர் சமீபத்தில் வெளிவந்தது அதில் இன்றய காலகட்டத்தில் மக்கள் நேர்மையாக இருக்க முடியுமா என்ற கதையை மையமாக வைத்து படம் எடுக்கப்பட்டுள்ளது என்பது தெளிவாகியது. மேலும் தவறெனின் வலியதும் வீழும், சரியெனின் எளியதும் வாழும் என்ற வசனம் மக்கள் மத்தியில் நல்ல வரவேற்பை பெற்றது.
மேலும் இந்த படத்தில் முதல் பாடலான பொம்மக்கா பாடல் மக்கள் மத்தியில் நல்ல வரவேற்ப்பை பெற்றுள்ளது. இந்நிலையில் இந்த படம் வரும் டிசம்பர் மாதம் 20 ம் தேதி திரையரங்குகளில் வெளியாக உள்ளதாக படக்குழுவினர் அறிவித்து உள்ளனர்.
