வெற்றி வாகை சூடிய ” போகுமிடம் வெகு தூரமில்லை” பட குழுவினரை அழைத்து தன்னுடைய பாராட்டை கூறிய மக்கள் செல்வன் விஜய் சேதுபதி …!
தமிழ் சினிமாவில் வளர்ந்து வரும் நடிகர்களில் ஒருவராக காணப்பட்டவர் தான் நடிகர் விமல். இவர் சில வெற்றி படங்களை கொடுத்திருந்தாலும் சில படங்களில் தோல்வியையையும் கண்டுள்ளார். இவருக்கு சமீபத்தில் வந்த படங்கள் அனைத்தும் தோல்வியை கண்டதால். பெரிதளவில் சினிமாவில் இவருக்கு வரவேற்பு இல்லை. இந்நிலையில் அவர் நடிப்பில் வழிவந்த போகுமிடம் வெகு தூரமில்லை என்ற திரைப்படம் அவருக்கு நல்ல வரவேற்பை பெற்று கொடுத்துள்ளது. மேலும் இந்த படத்தில் நடிகர் கருணாஸ் முக்கிய கதாபாத்திரத்தில் நடித்துள்ளார்.
மேலும் இந்த படத்தினை அறிமுக இயக்குனர் மைக்கில் k ராஜா இயக்கினார். மேலும் இந்த படம் சிவா கிலாரி தயாரிப்பில் உருவாக்கப்பட்டது. மக்கள் மத்தியில் நல்ல வரவேற்ப்பை பெற்ற இந்த படம் சமீபத்தில் அமேசான் பிரைம் ஓடிடி தளத்தில் வெளியானது. அக்டோபர் 8 ம் தேதி அமேசான் பிரைம் ஓடிடி தளத்தில் வெளியான இந்த படம் 4 வது இடத்தினை பிடித்துள்ளது. மேலும் இந்த படம் விமர்சகர்களால் பாராட்டப்பெற்றது. வித்தியாசமான கதை களத்தில் எடுக்கப்பட்ட இந்த படம் தெலுங்கு, ஹிந்தி மொழிகளிலும் நல்ல வரவேற்பை பெற்றது.
மேலும் இந்த படம் 70 மில்லியன் பார்வை நிமிடங்களை கடந்து சாதனை படைத்துள்ளது. வாழ்க்கையில் நடைபெறும் அழகான அனுபவத்தை கூறும் இந்த படத்தினை தமிழ் சினிமாவின் முன்னணி நடிகர் ஆன மக்கள் செல்வன் விஜய் சேதுபதி பார்வையிட்டுள்ளார். அவர் அதன் பின்னர் போகுமிடம் வெகு தூரமில்லை படக்குழுவினரை அழைத்து படம் பிரமாதமாக இருந்தது என்று கூறி தன்னுடைய வாழ்த்து மற்றும் பாராட்டுக்களை தெரிவித்து உள்ளார். இந்த தகவல்கள் தற்போது இணையத்தில் பரவி வருகிறது.
