குரங்கு வித்தை பண்ணி பார்த்திருப்பீங்க… தீயாய் வேலை செய்து பார்த்திருக்கிறீர்களா… நாங்களும் விழுந்து விழுந்து வேலை செய்வோம்…..

வீட்டில் சமையல் வேலை என்றால் பெண்கள் ஆர்வமுடன் செய்வார்கள். அதே நேரம் பாத்திரம் கழுவ வேண்டும் என்றால் சற்று மன உளைச்சலோடு செய்வார்கள். வீட்டில் வேலைகள் தொடர்ந்து செய்து வந்தால் பெண்களுக்கு நாளடைவில் ஒரு வித சலிப்பு ஏற்படும். இந்த நேரங்களில் பெண்களுக்கு மிகவும் கை கொடுப்பது இயந்திரங்கள். தற்போது துணி துவைப்பது முதல் பாத்திரங்கள் கழுவுவது, வீட்டை சுத்தம் செய்வது வரை அனைத்தும் இயந்திரங்களே செய்யும் அளவிற்கு தொழில்நுட்பங்கள் வளர்ந்து விட்டன.

பெண்கள் அதிக வேலைப்பளுவின்றி கல்வியை தொடர்வதற்கும், வேலைக்கு சென்று பொருள் ஈட்டவும் முடிகிறது. இதெல்லாம் பெண்கள் செய்ய வேண்டிய வேலைகள்… இது மட்டும் தான் ஆண்கள் செய்ய வேண்டிய வேலைகள் என்ற பாகுபாடு நீங்கி குடும்பத்தில் அனைவருக்கும் அனைத்து வேலைகளும் சமம் என்று இளைஞர்களும் செய்து வருகின்றனர்.

பெண்கள் மட்டுமே செய்து வந்த வேலைகளை ஆண்களும் தற்போது சரி சமமாக செய்துவரும் நிலையில் வாயில்லா ஜீவன்களும் மனிதர்களுக்கு உதவுவதற்கு வேலைகள் செய்து வருவது குறிப்பிடத்தக்கது.

வீட்டில் வளர்க்கும் விலங்குகள் குழந்தைக்கு தொட்டிலை ஆட்டி தூங்க வைப்பது முதல், குழந்தைகளுடன் விளையாடுவது என வாயில்லா ஜீவன்கள் மனிதர்களுக்கு உதவிகள் செய்து வருகின்றன. தற்போது பாத்திரங்கள் துலங்கி கொடுக்கவும் ஆரம்பித்திருக்கின்றன. இங்கே ஒரு குரங்கு பாத்திரத்தை முன்னும், பின்னும் நன்றாக தேய்த்து கழுவும் காணொலி சமூக வலைதளத்தில் வைரல் ஆகி வருகிறது. குரங்கு ஓன்று தீயாய் வேலை செய்த சம்பவம் இணையத்தில் சிரிப்பலையை ஏற்படுத்தியுள்ளது. அதனை இங்கே காணலாம்..